Library
Profile
खरा चेहरा
खरा चेहरा
पाहत असतो माझा चेहरा
जेव्हा मी आरशात
तेव्हा मी मलाच शोधत असतो
मीच माझ्या चेहऱ्यावर
लोकांना फसविण्यासाठी
लावलेले मुखवटे
आता मलाच फसवायला लागले
लोकांसमोर एक माणूस म्हणून ओळखला जाणारा मी
स्वार्थासाठी बदललेला
माझा चेहरा बघून
आश्चर्य चकित
होत असतो
कधी कधी पाहत असतो मी
माझ्यात दडलेल्या
एक एक जनावारांना...
स्वार्थासाठी रंग बदलताना
सरड्यात पाहतो मला मी
आचरणाशिवाय बोलताना
पोपटात पाहतो मला मी
वासनांच्या मागे
रात्रंदिवस पळताना
सशात
तर कधी मी
मला घोड्यात पाहत असतो
कोणाची खोड काढताना मी
माकडाच्या रूपात पाहतो मला
कटूवचनाने आक्रमण करताना
फन काढून फुस फुसणाऱ्या
नाग आठवतो मला
स्वार्थासाठी लोकांना लुभावताना
रंगबेरंगी पिसारा फुलवून
लांडोऱ्याला लुभावण्यासाठी
नाचणारा मोर आठवतो मला
बुद्धीचा कुप्रयोग करताना
माझा चेहरा लांडग्यालाही लाजवतो
या सर्व चेहऱ्यात माझा खरा चेहरा शोधत असतो मी...
