खडतर प्रवास

खडतर वाटे प्रवास जीवनाचा 

तरीही जगणे थाबंत नाही 

कुठवर घाबरावे प्रारब्धांना

मनाचा थांग लागत नाही 

खूळचट वागणे नकोच आता 

थेट वर्मी घाव करावा 

सत्याच्या लढाईचा प्रकाश 

अग्रस्थानी उरावा 

खुशाल मांडावे म्हणणे आपूले 

का दडपाव्या भावना 

दबावाखाली जगता वेदनेचा 

का करावा सामना

खंत का वाटावी मनाला 

काही चुकले नसताना 

आयुष्याच्या वाटेवरती 

स्वप्ने दूरवर दिसताना 

खऱ्या आयुष्याचे जरी 

चित्र असेल वेगळे 

आपल्याच हाती असती 

जगण्याचे सोहळे