लाइब्रेरी
प्रोफाइल
खड्डेच खड्डे चहूकडे
खड्डेच खड्डे चहूकडे
1 min
285
मूळ कविता रिमझिम पाऊस पडे सारखा यमुनेलाही पूर चढे
मूळ कवितेचे कविवर्य पी सावळाराम यांची क्षमा मागून विडंबन कविता पाठवत आहे
अफाट पाऊस पडे सारखा
धरणांनाही पूर चढे
खड्डेच खड्डे चहूकडे गं बाई
गेला रस्ता कुणीकडे
अफाट पाऊस पडे सारखा (1)
खड्डे कसले हे गतिरोधक
त्यात साठले मुठेचे जल
वाहता जल ते ओसंडूनही
तारांबळ ती आमची उडे गं बाई
गेला रस्ता कुणीकडे
अफाट पाऊस पडे सारखा (2)
खड्डे चुकवा, रस्ता शोधा
त्यात अॉफिसची वेळही गाठा
इकडे तिकडे तोल बिघडता
मिळेल बक्षिस प्लँस्टरचे गं बाई
गेला रस्ता कुणीकडे
अफाट पाऊस पडे सारखा (3)
दुचाकीच्या त्या लख्ख दर्पणी
मोटारची ती मुक्त फवारणी
रडकी त्याची स्वारी बघुनी
खड्डयांनाही ऊर फुटे गं बाई
गेला रस्ता कुणीकडे
अफाट पाऊस पडे सारखा (4)
