Library
Profile
कधीतरी थोडं स्वार्थी बनायचं असतं
कधीतरी थोडं स्वार्थी बनायचं असतं
1 min
365
आपल्यालासुद्धा मन आहे मानायचं असतं
पतंग होऊन आपल्याच अवकाशात विहरायचं असतं
स्वप्नांवर स्वार होऊन लहरायचं असतं
कधीतरी थोडं स्वार्थी बनायचं असतं
कर्तव्याला चुकायचं नसतं
पण मोडेल इतकं वाकायचं नसतं
मनासारखंही वागायचं असतं
कधीतरी थोडं स्वार्थी बनायचं असतं
इतरांसाठी जगता जगता आपलं जगायचं राहून जातं
स्वतःसाठी काही मागणं मागायचं राहून जातं
आदर्श बनावं म्हणून धावायचं नसतं
कधीतरी थोडं स्वार्थी बनायचं असतं
स्वतःसाठी जगलं कधी तर गैर का आहे!
लगेच थोडी आप्तांशी वैर होत आहे
त्यांना तसं वाटलं तर लक्ष द्यायचं नसतं
कधीतरी थोडं स्वार्थी बनायचं असतं
मनाचं ऐकलं की लगेच स्वार्थी का होतो!
अस्तित्व आपलं मानलं तर आत्मकेंद्रित का होतो
स्वार्थी नक्की कोण ते ओळखायचं असतं
आणि म्हणूनच...
कधीतरी थोडं स्वार्थी बनायचं असतं
