काॅलेज कट्टा
काॅलेज कट्टा
आजही आठवे कॉलेजचा दिवस पहिला
सगळेच पाहता नवे चेहरे
अनोखे दृश्य ते पाहता नवल वाटले मजला
सृष्टी पाहता फर्गुसनची मुख झाले हसरे
ना होतं बंधन गणवेशाचं
विद्यार्थी जणू रंगीबेरंगी फुलपाखरे
पण नकळत ओझं मात्र वाढलेलं दप्तराचं
शिक्षणपद्धती जशी की लक्षवेधी करे
आकर्षण वाटे त्या इमारतींचं
मित्रांसंगे तरूही बनती सोबती
गप्पा रंगती भान राही न वेळेचं
प्रत्येक क्षणी कट्टा नवा अनुभव देई हाती
ना तिथे तुलना जाती-धर्माची
प्रत्येकजण जपतो सांस्कृतिक वाटा फर्गुसनचा
जिथे नाती जुळती आपोआप हृदयाची
हाच आहे आमचा कट्टा कॉलेजचा