जुळे

दोन जुळ्यांची गोष्टच न्यारी

 आपलेसे होती सर्वांना सारी

 एक रडके दुसरे हसरे

 एक लाजते दुसरे नाचते

 ठेवन शरीराची एक सारखी

 ओळखण्या ती नजर पारखी

 खोडी एकाने शिक्षा दुसऱ्याला

 खाऊ मात्र असे वेगवेगळा

 अभ्यासाचे तर  तंत्रच वेगळे

एक अभ्यासू नंबर दुसऱ्याला मिळे

 मित्रांची जास्त गरज न भासते

दोघेही एकमेकांचे काही कमी नसते

 प्रश्न एकाला देई दुसरा उत्तर

 प्रश्न उत्तरांची मैफिल सत्वर

मदतीला पुढे हात चार

 आईचा होई हलका भार

बाबांचे दोन मजबूत खांब

 गाठतील पल्ला लांबच लांब