जल्लोष भारत मातेचा
जल्लोष भारत मातेचा
शूरवीर लढवय्या
हुंकार तो क्रांतीचा
पारतंत्र्याची बेडी तुटली
जल्लोष भारत मातेचा
एका हून एक सरस
मनी भावना सेवेची
प्राणाहून ही श्रेष्ठ
किंमत या भू मातेची
देश सेवा पूर्ण समर्पण
स्वाभिमानाचा पेटता दिवा
गुलामीची तोडून जंजीर
खुली मिळाली स्वछंद हवा
स्वातंत्र्याचा ध्वज हाती
प्रजेच्या अधिकाराचा
अंधारातून प्रकाशाकडे
तो प्रहर नवीन सूर्याचा
अधिकाराचा ताज
तो दिवस हर्ष उल्हासाचा
न्याय पूर्ण रुपेन प्रजेला
जल्लोष भारत मातेचा