लावणी

लावणी 


मी नार यौवन भरदार उघडा ना दार सुरक्षाकर्मी 
अहो राया,घालवू नका वाया, वेळ आहे कमी 

नक्षीदार लुगडी पायात चाळ, हळूच आली तुम्हापाशी 
तांबुल विडा लेवून अत्तर, वाटलं तुम्ही उपाशी 
धडधाकट बांधा, अहो नांगरून घ्या ही भूमी 
अहो राया घालवू नका वाया वेळ आहे कमी 

*करून शृंगार विसरून लाज शोधते ही बाशिंग* 
*सोळावं रक्त भूकेने पिसाळली ही वाघिण*

डोलदार बांधा,कमर लचेली, किती घायाळ मन 
तोडा तटबंदी दारात उभी नाही दुसऱ्याचं धन 
वाहत आली सरिता,कठोर नका होऊ तुम्ही 
अहो राया घालवू नका वाया वेळ आहे कमी 

*उघडून दार, घेऊन आत, ताऱ्यांची चमचमती रात* 
*जवळ घेऊन,नयन पिऊन, जन्मोजन्मी ची साथ*

✍️*शेषराव येळेकर*
दि १९/०५/२६