जीवनगाणे...
जीवनगाणे...
भाव जे तुझ्या मनातले
सारे मनातच राहू दे
सांगायचे जे काही असे
डोळ्यात मला ते पाहू दे
वेचण्या कण ते मनाचे
गुंफली स्वप्ने मनात मी
वेदनेच्या गावास माझ्या
आता पावलांना जाऊ दे
सुखाची झोपडीच माझी
महालाचा मोह कुठला?
मिळतो विसावा शांतता
हृदयात तुझ्या राहू दे
लागती चटके जिव्हारी
आज गुलाबी थंडीत या
ऊब मिळण्या सोबतीने
त्या स्पर्श उन्हात न्हाऊ दे
सुरात सूर मिसळत
दे ना अविरत साथ तू
हात हाती देऊनी माझ्या
जीवनगाणे गाऊ देत