स्त्री शक्ती

जीवनात ती अनमोलशी

सदैव सोबत राहे

माता, भगिनी, सखी-संगिनी

अनेकरूपी ती आहे

माय होत ती सांभाळी

भगिनी म्हणुनी ती ओवाळी

सखी बनुनी सोबतीला

हसे, खेळे अन् गाये

माता, भगिनी..........

संगिनी ती शतजन्माची

सुख-दुःखाची हर कार्याची

बहरवत संसारवेल ती

प्रवाहासारखी वाहे

माता, भगिनी..........

दोन घरांची नावे उजळी

परके घरही आपले करी

खांद्याला लावुनी खांदा

चटणी-भाकर खाये

माता, भगिनी.............

उणे तिच्याविण जीवन सारे

महान कार्य तिचे साजरे

करा आदर स्री शक्ती

हर हाल सुखाने सहे

माता, भगिनी, सखी-संगिनी

अनेकरूपी ती आहे