जीवन एक क्रिकेट
जीवन एक क्रिकेट
जीवन म्हणजे क्रिकेटचा खेळ
बालपण तारुण्य वृद्धावस्थेच्या
पीचवर खेळला जाणारा !
नियती करत असते बॉलिंग
मानव करत असतो बॅटींग
परमेश्वर खुद्द असतो अंपायर !
कधी मिळतो सुखाचा सिक्सर
तर कधी पडते दुःखाची विकेट
खेळता खेळता कधी होतो रन आऊट !
संकटातून देखील कधी कधी वाचतो
कारण परमेश्वराचा नो बॉल हीं पडतो
चौकार षटकार ने तो सुखावून जातो !
रन आऊट कॅच ने मात्र नाउमेद होतो
मात्र पुन्हा नव्या उमेदीने उभा राहतो
कारण त्याला माहित असते
जीवन एक कोडेच आहे
क्रिकेटच्या खेळासारखे
न उलगडणारे न उलगडणारे !