ती सध्या काय करते
ती सध्या काय करते
लहानपणी माझ्याबरोबर बागडणारी
माझ्या जवळच्या बाकावर बसणारी
सर्वांची नजर चुकवून खुणा करणारी
माझ्याबरोबर टिफिनचा आस्वाद घेणारी
कोण सांगेल का ती सध्या काय करते।
माझ्याशी रोज प्रेमाच्या गप्पा मारणारी
खास गुलाबी पत्रातून प्रेम व्यक्त करणारी
माझ्या हृदयात जागा मिळवणारी
अभ्यासात मला बरोबर घेऊन जाणारी
कोण सांगेल का ती सध्या काय करते।
आयुष्यभर साथ देण्याचं वचन देणारी
दिलेलं वचन पाळण्यासाठी धडपडणारी
मनात नसताना दुसऱ्याशी संसार थाटणारी
मला पुन्हा भेटण्यासाठी आतुर झालेली
कोण सांगेल का ती सध्या काय करते।