झालर किरणांची...

डोंगरा पलीकडून
झालर किरणांची पाहिली
देव्हाऱ्यात उजाळलेली सकाळ
मनाला स्पर्शूनी गेली ...

धुक्यात धुक्याने भरलेल्या वाटेवरी
रांगोळी किरणांची काढली
पानापानांत दव हसे
ओली काया थरारली ...

खिडकीतून कवडस्यांनी डोकावता

हलकीच जाग मखमली आली
मिठी गोड प्रियाची माझ्या
पारिजात मातीस बिलगली ...

जागा येता स्वप्न विरली
रात्र चांदण्यांची ओसरली
पापण्यात साठवूण क्षण हळवी
सकाळ मनाला स्पर्शून गेली ...