झालो ...सज्जन ...सज्जन

आम्ही चुकोनी असेच

कसे नशाबाज झालो

संसाराचे चक्र कसे

हरवून की बसलो   (१)

हालहाल नि अपेष्टा

किती जीवाची काहिली

तुच्छ नजरेने आम्हां

लाखोलीच की वाहिली (२) 

केंद्रामध्ये गेलो जेव्हा

आम्ही व्यसनमुक्तीच्या

मुक्त महिन्यात झालो

आम्हां वाटा दावियल्या (३)

आता पूर्वीसारखेच

मानमरातब घेतो

समुदाय सज्जनांचा

आम्ही सम्राटच होतो (४)

काळाकुट्ट अंधाराचा

जणू पटल विरला

धडा शिकलो जीवनी

तम निशेचा सरला (५)