जाणता राजा..

शिवकर्तृत्वाचा सुगंध 

महाराष्ट्राच्या पावन मातीला ;

 आसमंतही उणा पडे

वर्णाया शिवकीर्तीला .

           शिवकाळात सुखी दीन

         दलित- प्रजा -शेतकरी 

         दुःखितांचे दुःख पाहून

         धावून सहाय्य करी.

 शेतीला उत्तेजनाकरिता 

माफ केला शेतसारा ;

कर्जबाजारी शेतकऱ्यांचा 

कोरा केला सातबारा .

          कामाच्या मोबदल्यात 

          आणली वेतन पद्धत ;

          पहिल्या मराठी शब्दकोशाने  

          वाढवली मराठीची पत .

"पाणी आडवा- पाणी जिरवा"

 ही शिवाजीराजांचीच योजना ;

"झाडे लावा- झाडे जगवा"

 बिंबवले प्रत्येकाच्या मना .

          उभ्या स्वराज्यात नव्हता  

          कोणी याचक- भिकारी ;   

         असे शिवराज्य होते पुढ्यात  

         सुख-समाधानाची भाकरी . 

"परस्त्रीला मातेसमान" मानून 

दिला आया-बहिणींना मान ;

"जाणता राजा" शिवाजी 

अखंड विश्वाची शान .