जाण गं भावना!!
जाण गं भावना!!
रंग गंधे कमलिनी
तळ्यामधे उमलल्या
प्रीतभाव उसळला
कधी कळणार तुला!!
ओढ गाढ भरतीची
लाटा वेगे उसळल्या
प्रेमभाव दाटलेला
कधी कळणार तुला!!
गर्द हिरवाई वनी
कळ्या फुले बहरल्या
प्रीतगंध भावलेला
कधी कळणार तुला!!
उंच उंचच पर्वतरांगा
रंग हिरवाई सजलेल्या
प्रीतरंग गंधाळला
कधी कळणार तुला!!
उपवने बहरली
गंध घमघमाटला
प्रिया हवीस साथीला
कधी कळणार तुला!!
भाव दाटले हृदयी
कसे आवरु मनाला!!
भेट राणी झणी मला
कधी कळणार तुला!!