लाइब्रेरी
प्रोफाइल
जांभळाई
जांभळाई
1 min
203
जांभळाई गर्द दाट
डोंगराच्या पायथ्याशी
घेत उराशी सर्वांना
माया उच्चभ्रू शीराशी........१
सांजवेळी क्षितिजाला
लाली केशरी रंगाची
मनी अध्यात्म काजळी
दाटीवाटी भावनांची........२
गुढ रहस्य आगळे
कातरवेळेचे खरे
आलिंगन रंगासंगी
निसर्गाचे भाव झरे.........३
भानू दडे हर्षभरे
दिवसाला संगी घेत
गुजगोष्टी काळजात
उल्हासाचे गीत नेत.........४
वसुंधरी रंगछटा
पानाफुलां हर्ष येई
मावळत्या दिनकरा
निरोपास साथ देई..........५
