Library
Profile
जागतिक महिला दिन
जागतिक महिला दिन
आज या दिनाला महिला दिनाला
सलाम तुमच्या विश्व कार्याला
साजरा करू या महिला दिन
अगाध कार्य करुन स्मरण
जगात तुमचे अग्रस्थान
विश्वात लाभला तुम्हा बहुमान
अनंत संकटे करुनी पार
यशस्वी झाल्या जगभर
संघर्ष तुमचा जीवनभर
ध्येयाचे तुम्ही गाठले शिखर .
भेदभाव सारे मिटले
कार्य करण्याला धैर्य मिळाले
दिव्य स्वप्न साकार झाले
जगास तुमचे भाग्य लाभले
रण रागिनी तुम्ही मर्दानी
शौर्यगाथा तुमची रणांगनी
जिद्द, चिकाटी बहुगुणी
खंबीर, कणखर नेतृत्व करुनी .
अखंड कार्य तुमचे भारी
पृथ्वी, चंद्रावर तुमची स्वारी
अगाध शक्ती तुमची नारी
प्रेरणादाई तुम्ही जग उद्धारी
स्वातंत्र्य, समता, संधी समान
न्याय, एकता, सर्वसमान
समाज सेवेला देह झिजवून
जगात उंचावली मान .
देश रक्षणाला कटिबद्ध झाल्या
वीरांगना म्हणुनी जगात गाजल्या
चारी दिशानी कीर्ती पसरली
विश्व कुटुंबाला आधार झाली
कला, क्रीड़ाने, मैदाने गाजविली
सर्वांगीण प्रगती साधली
विश्वनारी म्हणून शोभल्या
विजयी सलामी तुमच्या कार्याला.
