हरवलेले बालपण

खेळ दंगामस्ती मुलांची

नाही कुठे आता राहिली

जागोजागी मोबाईल

वर मुले दिसू लागली

लंगडी कबड्डी खोखो

खेळ दिसेनासे झाले

इंटरनेट मोबाईलने

जग झाले सारे खुले

मोबाईल झाला आता

मुलांसाठी जीव कि प्राण

मोबाईल वर गेम खेळतात

हरवले आता बालपण

स्पर्धा जीवघेणी आता

मुलांसाठी आहे घातक

 बालपणीच बालकांना

अभ्यास आहे जाचक

हरवत गेले बालपण

होते दिवस सुखाचे.

जग जवळ आले जरी

नाही कुणीच कुणाचे

हरवलेले बालपण

आता एकदा जगावे

नाते अनमोल आहे

जगी सतत जपावे