मखमली तन

भूमी नटली श्रावणात

हिरवळ चोहीकडे सारी

 मखमली गालिचे तृणांचे

मखमली तन खूणवणारी

 रंगीबेरंगी पुष्पसुमनांचे डूल

वाढविती शोभा भूमीवर

रंगीबेरंगी फुलपाखरे 

 नाजूक बागडती वेलीवर

खळखळ वाहती निर्झर

फेसाळती जलाने धबधबे

मयूर कोकिळ मैना राघू 

भूमीचे लावण्य न्याहाळत उभे

रिमझिम पावसात भिजली 

चिंब धरणीची सारी काया

लोण्यागत मऊ मखमली तन

स्पर्श धरणीचा करीते माया

मखमली तनात अंकूर रूजे

धरणी लेकुरवाळी माझी माय

मखमली तनात इवलासा जीव

प्रेमाचा वर्षाव करतच जाय