हृदयात भगवा......

सर्व जगी संसारात,

ऐसा राजा नाही झाला..

केला गनिमांचा खात्मा,

शूर मावळे जोडीला...||१||

शंकराच्या मंदिरात,

त्यांनी घेतली शपथ..

महाराष्ट्र धर्मासाठी,

निवडला अग्निपथ..||२||

तावडीत सापडले,

तर केला त्यांनी तह..

किल्ले शेकडो जिंकून,

दिला औरंग्याला शह..||३||

अत्याचार स्त्रीवरील,

त्यांना नव्हता सहन,,

कोणी असेल समोर,

केले शत्रूचे दहन .....||४||

कावा खेळला गनिमी,

केला बुद्धीचा वापर..

शूर मावळे पाहून,

भरे शत्रूस कापर ....||५||

राजे होते राजबिंडे,

असे चेहरा तेजस्वी..

शांततेने बोलें ऐसे,

जसा वदतो तपस्वी....||६||

त्यांनी दिलेले विचार,

सर्व मनातं रुजवू..,

हाती घेऊनी भगवा,

महाराष्ट्र हा सजवू...||७||

आठवावी आण त्यांची,

धर्म मराठा वाढवू ...

हृदयावरी भगव्याची,

उंच पताका चढवू...||८||