होळीची भांग अन जीवाची टांग

आज गावात परत आली मायी ती पिचकारी

लहानपणी जिला म्या चिडवायचो भारी

नकळत मन जुळलं तिच्या प्रेमाशी सारी

म्हणून होळीच्या दिवशी प्रपोस मारायची म्या केली तयारी

लहानपणीपासून मी तिचा होतो शेजारी

काही वर्षात ती गेली शिकायला दुनियादारी

कित्येक दा मी करून थोडी शिरजोरी

आठवायचो मनात तिला खूपच लई लई भारी

दिसायला होती ती एकदम मस्त

कित्येकदा तिच्यासामोर मी व्हायचो फस्त

ती नेहमी दाखवायची स्वतःला व्यस्त

कदाचित मीही तिला आवडायचो थोडा थोडा जास्त

आज ती होळी साजरी करायला गावाला परत आली

तिला गावात बघताच म्या बनलो थोडा ताली

तिला आज मारून प्रपोज बनवतो घरवाली

शुभेच्छा द्यायच्या निम्मिताने लावतो गालावर लाली

म्हणून म्या सकाळीच पूर्ण तयारी केली

अंघोळ स्वतःच केली कारण जिंदगी अकेली

घेऊन हातात कैची बनलो स्वतःच माली

कट मारली केसाला बनून हँडसम चिकना ताली 

चांगले चुंगले कपडे घालून घरासमोर गेलो 

सगळ्यांले होळी खेळत पाहून लय खूष झालो

म्या आता प्रपोज मारायचा या नादात निघालो

नाचत गात म्या मस्त घरासमोर गेलो 

घरासमोर लागला होता मस्त भांगचा ठेला

फुकट होती म्हणून घेतली पाच सहा पेला

नाचलो एकटं रोडवर जसा बेवडा अकेला

मन तिले शोधत म्हणे 'माया चकणा कुठं गेला'

तिले माराच प्रपोज म्हणून मी तिले शोधत राही

ते बह्याड कुठं होळी खेळत हाय हे काही माहित नाही

मी तिले अख्ख गाव शोधतोय ठाई ठाई

पण ती मले आता कुठंच दिसत नाही

शेवटी मी नाचत डोलत गेलो तिच्या घरी 

भांग होती अंगात चढून काही दिसत नव्हत बरी

पण मायी हिम्मत जणू आभाळातल्या सरी

गेलो प्रपोज मारले बनून लय लय भारी

घराजवळ जातच ती मले अंगणात उभी दिसली

म्या म्हटलं हिच वेळ हाय आता चांगली

मारतो तिले प्रपोज बनून हिम्मतवाला टांगली

तिने हो म्हणताच सिक्सर मारतो जणू गांगुली

मंग उद्या लगेच तिच्या बापले भेटाले जाईन

हुंडा नाही पाहिजे पण सोन सात तोळे घेईन

पैशाची काही लालच नाही म्हणून खर्च बापलेच होऊ देईन

माये नातेवाईक नाही जास्त पण मित्र 1200 जवाले येईल

असं म्हणून उद्या मी तिच्या बापले पटवून घेईन

माय हाय साधी ते तर अशीच पटून जाईन

भाऊ आहे भोळा त्याले चॉकलेट देऊन देईन

आजी हाय खडूस बहुतेक ते लवकरच गचकून जाईन

असा विचार करून मले लय हिम्मत आली

आता प्रपोज मारून तिले बनवतो घरवाली

भांग होती अंगात पण नशा होता इष्कवाली

हळूहळू गेलो तिच्या अंगणात बनून थोड ताली

ती उभी होती अंगणात लई लई मटकून

पण माय थोबाड पाहून वाटे मी आलोय जंगलातून भटकून

मी तिच्याकडं पायल थोडे डोळे मोळे झटकून

पण वाटलं लवकर प्रपोज मारावा नाहीतर तिचा बाप मारेल मले पटकून

म्हणून म्या डायरेक्ट तिच्या जवळ उभा राहिलो

नाकाचा शेंबूड फुसत तिच्याकड पाहून थोड हसलो

तिनं मले रूमाल दिला अन म्या त्यान नाक पुसलो

शेंबडाचा रूमाल वापस करत मी खिदिखीदी हसलो

तेबी मायाकड पाहत थोडी फुसफुस हसली

तिच्या हसण्यावरून म्या समजलो हे माया प्रेमात फसली

म्हणून म्याबी तिले आपल्या हृदयात खुदु खुदु ढूसली

प्रेमाच्या नात्याने ती आता माया मनातच सजली 

 

म्या आता हसत हसत माया एक डोळा मारला

म्या डोळा मारताच तिचा चेहरा थोडा लाजला 

लाजत्या चेहऱ्यान तिचा प्रेमाचा घुट मले पाजला

पण भांग जास्त पिल्यानं माया आवाज मागून वाजला

माया मागून आवाज होताच ती हुळुवार हसली

हसताच मी समजलो ती माया प्रेमात फसली

हसण एवढं गोड की ते माया नात्यात सजली

सजून धजून ती पोरगी माया हृदयात घुसली 

त्यानंतर म्या तिले हळूच आय लव्ह यु म्हटलं

लव्ह यु तिले म्हणताच माय हृदय धक धक धकलं

माय असं म्हणताच तिचा चेहरा असं लाजल

तिचा लाजरा चेहरा पाहून मले लय बर वाटलं

आम्ही दोघेही तेव्हा होतो आंनदी प्रेमाच्या जाळ्यात

वाटे असं दोघांनाही की अडकलोय हृदयाच्या वाड्यात

भांग होती माया अंगात पण नशा तिचीच उन्हाळ्यात

वाटे आता लग्न व्हावं माझं तिच मस्त धूमधडयाक्यात

पण तेव्हड्यात एका पोट्यान मायावर मारली पिचकारी सरसर

डोळ्यात पाणी जाताच मी डोळे चोळू लागलो भरभर

डोळे उघडताच माया पाया खालची जमिनी हलली तरतर

कारण म्या भांगच्या नशात पोट्टी समजून आजीलेच प्रपोज मारला खरखर

आता मात्र मायी लेका चांगलीच टरकली

भांगच्या नशेच आग चांगलीच भडकली

माया जीव आता तिथं थोडा थोडा रडला 

म्हणून म्या भक्कन तेथून पळ काढला

धावत धावत मी आता माया घरी गेलो

काय कराव सुचत नव्हतं म्हणून वेडापीसा झालो

भिजून होत अंग कारण घामाने पूर्ण न्हालो

भांगच्या नशेत केला प्रपोज पण आता पुरता मेलो

म्या होतो आता मात्र वेडापीसा घाबरून

तिच्या घरचे आता काढते मले वेडंवाकडं झोडपून 

म्हणून म्या सुरक्षेसाठी होतो पलगाखाली लपून

घाबरलं होत मन म्हणून लपलो दरवाजा लावून

तेव्हड्यात मात्र दरवाज्यावर धडधड आवाज झाला

आवाज होताच मले समजलं यम घरी आला

आता मी मेलो याचा पुरता आभास झाला

धडधड आवाज होताच माझा जीव नरकात गेला

पण दरवाज्याचा आवाज आता लय वाजू लागला 

लपून काही अर्थ नाही याचा साक्षत्कार मले झाला

म्हणून म्या हिम्मत करून माया दरवाजा उघडा केला

दरवाजा उघडा करताच माया जीवात जीव आला

कारण दरवाज्यावर होती ती उभी एकटी आजी

आजीला पायताच माय मन धडधड वाजी

बहुतेक आजी झोडपेल मले बनून थोडी पाजी

गोळया घालील मले बनून ती एक फौजी

म्हणून म्या भक्कन आजीच्या पाया पडलो

मारलं नाही पाहिजे म्हणून ढुंसूढुंसू रडलो

डोळयांले थुका लावत मी रडण्याचा खेळ खेळलो

माफी मागत आजीची मी खुप काही बड-बडलो

आजी म्हणे 'तु मायी माफी नको असा मांगू

तूबी मले लय आवडतो हे तु कुणाले नको सांगू

लग्न कर मायाशी अन बन माया तु पंगू 

लग्न झाल्यावर येईल वर्षात आपलेबी चंगू-मंगू'

आजी म्हणे 'काही दिवसात आपण जाऊ इथून पळून

बाहेरच लग्न करू अन घेऊ मन जुळून

घरच्यानी स्वीकारलं नाही तर देऊ सगळं सोडून 

मंग पुन्हा या गावाकडं कधी पाहू नाही वळून'

आजीच असं बोलण मले लय भयानक वाटे

म्हणून एकसारखं बघत रायलो जणू डोळयांवर आले काटे

आजी म्हणे 'मी हाय सुंदरी, माझ्याकडे सौंदर्याचे साठे

असा एकसारखं बघू नको मलाबाई लाज वाटे' 

म्या म्हटलं 'अहो आजी कृपा करा मी हाय तुमच्या नातवावाणी

मले बाजीराव बनवून स्वतः नका बनून हो मस्तानी

तुम्ही हाय चांगल्या तुमाले नक्की बुडग शोधून देईन

मले आता जाऊ दया नाहीत माया जीव जाईन'

आजी म्हणे 'मले माहित आहे तु मायाशी असा कावून रायला बोलून 

माया प्रेमाची परीक्षा घेत तु मले तपासून रायला तोलून

पण म्या बी प्रेमाची परीक्षा पास करण देते वचन मोलून

घे मायी परीक्षा म्या कॉप्या करण चोरून चोरून

माय तुयावर किती प्रेम आहे हे तुले नाही कळणार राज्या

लग्न कर मायाशी मग वाजवतो आपला बाज्या

तु बी म्हणशील मले का काय सोनपरी बायको भेटली

माया समोर त मोठीमोठी पिक्चर ची हिरोईन घटली'

आजीच्या अश्या बोलण्यान मले लई भीती वाटे

एकसारखं बघत रायलो जणू आयुष्याचे झालेय टोटे

तेवढ्यात आजी म्हणे 'मायाकडं असा कावून पावून रायला

लई बाई घाई झाली वाटते माया नवरा व्हायला'

असं म्हणत तिनं भक्कन मले एका डोळा मारला

तिने डोळा मारताच माया जीव तिथंच वारला

नर्क काय असत याचा साक्षत्कार तिथंच झाला 

झगडलो असतो तिच्याशी पण म्या होतो काडी पहिलवान हिम्मतवाला 

माया जीव चालला होता आता लय मरू मरू

म्हणून म्या घरातून आता पळाले लागलो भुरू भुरू 

मी गावात पळाले लागलो आता लई तुरु तुरु

अन् आजी माया मांगे धावे लुगडं तिच धरू धरू