हिरकणी..
हिरकणी..
1 min
363
उगवला तो सोनियाचा दिन
झाले घरी लक्ष्मीचे आगमन,
करावे स्वागत स्त्री जन्माचे
मिळूनी सर्वांनी आनंदून!
जन्माने एका स्त्रीच्या
अनेक नाती निर्माण झाली,
आई-वडील व परिवाराला
जन्मोजन्मीची ओळख मिळाली!
परंपरेने मिळते घरदार
मनी असे सदैव संस्कार,
आदराने करिते नमस्कार
जोडूनी ठेविते परिवार!
कर्तव्यपूर्तीची तू यामिनी
निष्ठावंत तु कामिनी,
शत्रूसाठी तू रणरागिनी
वात्सल्यरुपी तू हिरकणी !
लाभो निरोगी व उदंड
आयुष्य माझ्या भारतीय स्त्री ला,
तिला मिळू दे शक्ती प्रचंड
प्रार्थना करू या देवाला!