हे आदिशक्ती माता

अनंत स्वरूपा, अविनाशी तू, आदिशक्ती माता

नमन करुनी तव चरणी आई, ठेवितसे माथा

उद्धारक तू भक्तांची,सकलांची तू त्राता

तुझ्या कृपेवीण न होई , कोणी इथे जेता

संकटे अपार जरी ,आई इथे जगतांना

निर्भय मन माझे,तुज चरणी लीन होतांना

जे जे उत्तम , उदात्त , आई ते तू जागविशी

नेहमीच प्रेरिशी मज,लढण्या त्या षड्रिपुंशी

बळ दे,आशिष दे ,आई लढण्या दुष्प्रवृत्तींशी

उन्नत माथा कर्तृत्वाचा,परी लीन तव चरणाशी