लाइब्रेरी
प्रोफाइल
बांधावरची बाभूळ
बांधावरची बाभूळ
1 min
484
बांधावरची बाभळ एक
सांगते अनोखी कहाणी
शेतकऱ्यांच्या संघर्षात
सजते स्मृतींची विराणी
साक्षी अविरत कष्टाची
घामाच्या सतत धारांची
थकून भागून घेतलेल्या
क्षणिक त्या विसाव्याची
काटेरी रूप जरी असले
सरपण चुलीला पुरवले
तिखट ठेच्याला सोबत
चवीला गोड डिंक दिले
झाली ती मायेचे छप्पर
वादळ,पाऊस झेलताना
बाळास दिले तीने झोके
माय खुरपणी करताना
काट्यांच्या सहवासातही
उमललेली पिवळी फुले
संकट काळात देई बळ
अन् भोवती चैतन्य खुले
सुख दुःखात साथ देत
उभी आहे बांध्यावरती
उत्कर्षाप अवघा बघता
भाळला जीव तुजवरती
