गणित

नात्यांच हे गणित मला

कधीच नाही कळलं

नकळतच मैत्री साठी

मन मात्र माझं वळलं

आमचं गणित होत

मुळातच कच्च

अंकगणित तर अंकगणित

बिजगणित तरी कुठं होतं पक्क

अधिक वजा केलं

 तरं होतं म्हणे वजा

वजा वजा केलं की

होत मात्र अधिक

ह्यात कसली हो मजा

ही तर नक्कीच सजा

नात्यात हा ताळा करुन पाहिला

कधीच बसला नाही ताळमेळ

    

मैत्रीच्या रेशमी गाठी

करुन पाहिला मी टाळा

अधिक अधिक अधिकच राहिलं

वजा वजा अधिकाधिक

वाढतच गेलं वाढतच गेलं

अधिक वजा करुन पाहिलं

तरी मैत्रीत चिन्ह अधिकच राहिलं

आकड्यांशी आमचा कधीच

बसला नाही हो मेळ

अविरत मी शब्दांशी केला खेळ

शब्दांवर आमचं आहे प्रेम

अपेक्षित मात्र नाही

कुणी शब्दांची करावी

लयलूट आम्हासाठी

ओंजळीतून फुलं दिली

जरी प्रेमाने कोणास

भरून रहातो सुगंध

आपल्याच ओंजळीत

       

नात्यांच हे गणित मला

कधीच नाही कळलं