बहाव

नयनात भावनांचा असा कारे बहाव

 वाटले शब्दांत तुझ्या जरा अडकून तरी पहावं

मनातल्या गाभार्‍यात डोले आठवणींची नांव

शोधून ही सापडेना मला माझ्या मनाचा ठाव

जीवन हे असेच कधी धूप तर कधी छावं

अव्यक्त राहिले सारे उरले फक्त मनातील घाव

वेदनांचे ही असते कारे वेगळेच एक गाव

अश्रूच असतील कदाचित तयाचे दुसरे नाव

भेटता उलगडले असते मनातील सारे भाव

दूरस्थ तू नको करुस बहाणा आणू नको उगाचच आव