घे गगनभरारी

रांधा वाढा उष्टी काढा

असे जीवन होते तिचे

शिक्षणाने बदलले

विश्व अवघेचि सारे

बुद्धी समान दोघांची

सिद्ध जाहले जगती 

आता निर्णयक्षमता

तिची सरस ठरली

खादा लावून खांद्याला 

उच्चज्ञान मिळवले

घेई बढती यत्नाने

क्षितीजही उंचावले

कला विज्ञान शिक्षण 

सर्व क्षेत्रांत निपुण

घेई गगनभरारी

शब्द कौतुकां अपूर्ण 

पार करावे सखये 

कर्तृत्वाच्या क्षितीजांस

नाव जगी झळकेल

मम नमन कार्यास