एक कवडसा..
एक कवडसा..
गर्द अज्ञानाच्या अंधारात ज्ञानाचा एक कवडसा दिसावा
तिमिराचा नाश होऊनी आसमंत त्याने उजळून निघावा
निराश झालेल्या मनाच्या काळोखात आशेचा एक कवडसा दिसावा
उत्साह संचार होऊनी, जगण्याची प्रेरणा बनावा
गहिवरून येणाऱ्या हृदयालादेखील सहानुभूतीचा कवडसा मिळावा
आधाराचा खांदा मिळाला की वेदनेला दिलासा मिळावा
विरहाच्या अतृप्त तिमिरातुनी भेटीचा कवडसा दिसावा
अंतरंगाशी भेटगाठ होता क्षण- क्षण त्यात न्हाऊन निघावा
दुःख, यातनाच्या अंधारात ही थोडा सुखाचा कवडसा दिसावा
जगण्याची आस देऊन पुन्हा आनंदाचा दिवस यावा..