दुष्काळ ( अष्टाक्षरी )

दुष्काळ 

आला दारात दुष्काळ

पाणी नाहीच घरात

लग्न जुळते तरीही

कुठे निघेना वरात

सारे दुरावले नाते

कोणी बोलवेना घरी

गाव आणि ते शहर

नाही राहीलीच दुरी

गावी येतोय टँकर

पाण्यासाठी मारामारी

पाणी नाही शहरात

झाले सारे जार करी

पारा चढतो उन्हात

लाही लाही या अंगाची

रुग्ण वाढे दवाखाना

कात्री लागते खर्चाची

गाव पडती ओसाड

येती लोंढे शहरात

चोरी खून दरोडयाची

वाढ होतेय गुन्हयात

वाद लोकप्रतिनिधी

प्रशासनी घडतात

पहा कसे पाण्यासाठी

राज्यभर लढतात

नदया जोड तो प्रकल्प

लवकर पूर्ण व्हावा

साथ वृक्षसंवर्धन 

असा दुष्काळ संपावा