Library
Profile
दुखरी नस
दुखरी नस
फोन जोरात खणखणला
आणि तीचा देह
धडपडत उठला
आनंदाने उर तीचे
कस धडधडल
मनाच पाखरू
मनीच फडफडल
ती धरूनच चालली मनात
त्याचाच फोन असणार
तो येणार .......
दिवाळीला नक्कीच येणार
फोन क्षणीच
कट झाला
पण विचार मनी
पक्का झाला
त्याच्या वाटे वरचा
वारा हळूच हलला
दुखणी , खुपणी
बाजुला सारली
ताडकन उठून
कामाला लागली
चकली , चिवडा , शेव
लाडू , करंजी , शंकरपाळे
पदार्थांनी बरणी भरली
शेवटी दिवाळीचा
दिवस उगवला
आता येईल
मग येईल
सारा दिवस
वाट पहाण्यात गेला
देह तीचा क्षीण झाला
सारे दिवस दिवाळीचे
असेच सरले
वाट पाहून डोळे शिणले
पण तो.......
आलाच नाही
फोनही परत
वाजलाच नाही
एक दिवस
असा उगवला
दाराचा आवाज आला
नेहमी प्रमाणेच
दारी पोस्टमन आला
तीने सही करून
चेक घेतला
कपाटात ठेवून दिला
मेल्या मनानी
क्षणभर चेक कडे पाहिल
मग झटकन कपाट लावल
दडपलेली भावना
डोक काढून वर आली
शरीराचा कोपरा कोपरा
दुखत असल्याची
जाणीव झाली
तशीच ती
धडपडत उठली
आणि............
बामचा वास येणाऱ्या
कधीच न धुतलेल्या
हांतरूणा वर येऊन पडली
निष्प्राण झालेल्या डोळ्यांनी
आढ्याकडे एकटक
पाहू लागली..........
