लाइब्रेरी
प्रोफाइल
हृदयसंगिनी
हृदयसंगिनी
1 min
455
थाटण्या तिचे गुणगीत
हा शब्दपसारा मी मांडला
काय वर्णावी तिची अदा
शब्दामृत खुद्द तयात सांडला
आक्रंदली कैक स्पंदने उरी
हृदयाची काजळी सारवून
स्मित तिचे हे असे बोलके
जिंकले माझ्यातला मी हरवून
कळते स्नेहाची परिभाषा
अंतरंगी तिला पाहून
नयनी दाटलेल्या नभांतली
आसवे गेली मज न्हाऊन
किती लपवू हट्टी भावनांना या
ऐक त्यांचाही आर्तस्वर कधी
होशील का हृदयसंगिनी माझी
अजून किती घेशील अवधी
