शहीद सैनिकाच्या मुलाची भावना

घरी आली शवपेटी ,

तिरंग्यात लपेटून .

दारी गर्दि दाटलेली ,

वाटे आला मोठा सण .....१

तुम्हा लपेटे तिरंगा ,

लपेटावे मी कोणाला ?

कुणा मिठी मारू आता ?

पारखा मी त्या क्षणाला .....२

जाता देश रक्षणार्थ ,

वाटे मला अभिमान .

बाप माझा देशासाठी 

प्राण देण्यास तयार .....३

तुझ्या विक्रमी बाहूंनी ,

स्वातंत्रता हि राखली .

माय होऊनी राहिली

आम्हा साऱ्यांची सावली .....४

वीर मृत्यू रणांगणी ,

जाऊ देणारा ना वाया .

घेतो शपथ मानात,

देशासाठी माझी काया ......५