गालीचि खळी

सखे लावण्यखणी तू , 

अति सुंदर सुंदर .

रूप पौर्णिमेचा चंद्र ,

खळी तुझ्या गालावर .

खळी तुझ्या गालावर .

प्रभा हश्याची फाकते .

जादुगरी माझ्यावर ,

मन पाकळी फुलते .

मन पाकळी फुलते 

तुझ्या गाली खळी जशी .

जीव उतावीळ होई ,

वाढे बेचैनी जराशी .

वाढे बेचैनी जराशी ,

ओढ मना ग लागते .

माझी ओढाळ नजर ,

हळू खळीत डुंबते .

हळू खळीत डुंबते , 

कुठे समाधानी होई?

आसं अमृत पानाची 

चुंबनाने पूर्ण होई .

चुंबनाने पूर्ण होई , 

किंवा अजून वाढते .

माझ्या जीवाचा ही जीव ,

खळी मला गं छळते .

खळी मला ग छळते

परी सुखावे नजर ,

अहोरात्र मनामध्ये ,

तुझ्या प्रेमाचा गजर .

तुझ्या प्रेमाचा गजर ,

माझ्या कानामधे गुंजे. 

सखे लवकर ये ना ,

तुझे पैंजण ही वाजे .

तुझे पैंजण ही वाजे ,

मुखचंद्र उजळले .

गालावरच्या खळीत ,

छान कमळ फुलले .