हल्लीचं प्रेम

अगं मला दुसऱ्यांदा प्रेम झालंय हे ऐकूण तिची मैत्रीण गप्पच झाली

तिने तेल मीठ लावून जेव्हा सांगायला सुरुवात केली

असं वाटतं प्रेम म्हणजे काय आम्हाला कळलच नाही अजूनही

प्रेमाचं आणि आमचं जुळलच नाही अजूनही

मी बघतोय प्रेमाला कुठल्या तरी कोपऱ्यात दम तोडताना

आणि बर्बाद होऊन टाहो फोडताना

नॉर्मल झालाय स्पर्श आणि शरीराचा खेळ

करुन टाकलीये सगळ्या भावनांची भेळ

प्रेम सकाळी चालू होतं दुपारी संपतं

आणि संध्याकाळी मन लगेच दुसरीकडे जुंपतं

हेच काय ते प्रेमाचं आयुष्य ठरलंय

आम्ही प्रेम लचके तोडून मारलंय

अरे प्रेम म्हणजे नाही एक्सचेंज हृदय

प्रेम म्हणजे दुराव्याचं भय

प्रेम म्हणजे अंतकरणातला जिव्हाळा

प्रेम म्हणजे अंतरी जाणवणाऱ्या झळा

प्रेम म्हणजे अबोल शब्द

प्रेम म्हणजे स्पर्श निःशब्द

कुणी लुटला हा प्रेमाचा सुंदर गाव

कुणी रक्ताळला तो भावनेचा घाव

हल्ली नात्यात केवळ वरवरचं जीव लावणं भासतं

गजानना कुणी सांगेल का रे प्रेम म्हणजे नेमकं काय असतं...