दसरा सण मोठा

विजयादशमी शुभमुहूर्त

साडेतीन मुहूर्तातला

शुभ कार्याची सुरुवात

करीतसे विजयादशमीला  (1)

नवरात्री नऊ दिनी केले

देवीने युद्ध घनघोर रणी

दानवांना पराभूत केले

मातेने शक्तीनिशी झणी   (2)

दारुण शस्त्रे घेऊनी सवे

सिंहारुढ दुर्गामातेने

वध करुनी दानवांचा

रण जिंकले शक्तीदेवतेने   (3)

विजय मिळवला म्हणूनी

साजरी विजयादशमी

झेंडूफुलांच्या माळा रंगीत

शोभती घरोघरी , वाहनी   (4)

सीमोल्लंघनी जाती पुरुष

नारी प्रेमभरे ओवाळती

आनंदाने दसरा साजरा

जन सोने लुटूनी करती   (5)