दीप दिवाळी

अराजकाच्या झाकोळातून

लक्ष दिव्यांच्या तेजरूपाने,

स्वच्छ निखरू दे सारा परिसर

अवकाळी धारा धरणीवर

नाश करीत शेते बहु वावर,

पालवित नव आशा त्यावर

दीप दिव्यांची सांत्वन-फुंकर

कुठे जन्मले कुणी संपले,

रांगोळीच्या शतरंगांनी

काळाच्या फे-यांतून क्षणभर

मर्त्यपणाचा पडू दे विस्मर

दुःख ल्यायल्या,त्रास प्यायल्या

तप्त मनांची तृप्त क्षुधा करी,

फराळ रूचकर

गतवर्षाच्या नवपर्वाचा,

उल्हासित मनमनांत होवो सत्वर जागर!