ध्येय वेडे सर्वच तारे

ध्येय वेडे सर्वच तारे 

असावयास मज प्रकाश 

टिमटिमून सध्यातरी 

ज्योत घेऊन चालते 

ध्येय वेडे सर्वच तारे 

खटपट वाढीची सर्वांपाशी 

कुणी खडकात कुणी सुपिकात 

बीजासारखे वाढलेले 

ध्येय वेडे सर्वच तारे 

जन्मतः भेटला संघर्ष खजिना 

लुटतील इथे लुटवतील तिथे 

सर करतील लक्ष्याचा गड 

ध्येय वेडे सर्वच तारे 

स्तभं होतील छताचे 

तोडलात तुम्ही त्यांचा कणा 

देणगी देऊन प्रलोभनाची 

तरी तें उठतील जगण्यासाठी 

हरण्याची त्यांची वृत्ती नाही 

आहे क्रांतीची ताकत अंगी 

बदलतील पुन्हा दाही दिशा