लाइब्रेरी
प्रोफाइल
देवीची स्तुती
देवीची स्तुती
1 min
4
वाघावर बैसोनी
आली आली ग आई भवानी
नेसली तिने अंजिरी पैठणी
गळ्यात तिच्या शोभे
कवड्यांची माळ
तिची नि माझी जोडलीय
जन्माची नाळ
हत्तीवर बैसोनी
आली ग गजलक्ष्मी
नेसली तिने साडी रेशमी
गळ्यात शोभे तिच्या
हिऱ्या मोत्यांचा रत्नहार
स्वागता तिच्या उघडले
मी घराचे द्वार
आली ग हंसवासीनी
हाती विणा
अंगभर मोत्यांचे मणी
प्रार्थना आहे हिच
तिच्या चरणी
राहो सदा मधुर ग
माझी वाणी
दृष्टांचा कराया संहार
आईने घेतलाय कालिकेचा
अवतार
तिच्या नावाचा
करूया जागर
होऊनी प्रसन्न करेल ग
आई आपुले रक्षण.
सौ. रेवती प्रशांत शिंदे.
