देव

माझ्या मूर्तीचीच पूजा कर,

पूजेच्या नावाखाली भ्रष्टाचार कर,

त्याच पैशातून नशा कर,

देव म्हणत नाही........................... १

सर्वत्र प्रदूषण कर,

जैविश्वाला हैराण कर,

वरुन उन्मत्तपणाचं प्रदर्शन कर,

देव म्हणत नाही........................... २

भक्तांच्या दर्शनाचा व्यापार कर,

पैसे उकळ, काळा-बाजार कर,

सर्वसामान्यांना बेजार कर,

देव म्हणत नाही........................... ३

भक्तीचा मूळ उद्देश हनन कर,

जातीयवादाचा कळस कर,

गरीब-श्रीमंत भेदाभेद कर,

देव म्हणत नाही........................... ४

मूर्तीच्या उंचीत स्पर्धा कर,

त्यात सर्वांचा जीव अर्धा कर,

पवित्र सण किळसवाणा कर,

देव म्हणत नाही........................... ५

अश्लील गाण्यांवर नाच कर,

कानठळ्या बसवणारा आवाज कर,

बिभत्सपणे उन्माद कर,

देव म्हणत नाही........................... ६

सोयी-सुविधांचाच पैसा वापर,

देवस्थानं निर्माण कर,

राजकारण-पक्षपात कर,

देव म्हणत नाही........................... ७

देशाच्या उत्कर्षाचा विच्छेद कर,

भल्या माणसांचा निषेध कर,

समाज-प्रगतीला लाचार कर,

देव म्हणत नाही........................... ८