देहाची तिजोरी
देहाची तिजोरी
अंतरीचा आत्मा । ईश्वराचा अंश ।
सोडूनिया द्वेश । भक्ती करा ।।
डोळ्यांतूनी पाही । देव सर्व काही ।
क्रोधाची हि ग्वाही । नेत्री नको।।
कानांनी ऐकावे । हरिचे कीर्तन ।
नसावे नर्तन । मदमस्त ।।
प्रत्येक श्व़ासात । देवाचा हा वास ।
संशयाचा ध्यास । लावी फास ।।
जिव्हेत असावी । सरस्वती वाणी ।
नको ध्यानी मनी । शिवीगाळ ।।
दोन्ही हाती करा । सदाचारी काम।
वाम मार्गे दाम । नको कधी ।।
पायांनी चालावे । सज्जनांचा मार्ग ।
देहा मिळे स्वर्ग । पृथ्वीवरी ।।