लाइब्रेरी
प्रोफाइल
चला पंढरीसी जाऊ
चला पंढरीसी जाऊ
1 min
182
चला पंढरीसी जाऊ
विठू माऊलीसी भेटू
पुण्य दर्शनाचे घेऊ
सुख माहेरचे लुटू
वारकरी मुक्त नाचे
मुखे नामगजराते
टाळ चिपळ्या गजर
डुले मन भक्तीनादे
चाले अश्वाचे रिंगण
येता तरडगावासी
दिसो वाट पंढरीची
आस मम अंतरासी
वैष्णवांचे वाळवंट
भक्तीचाच महापूर
आस भक्तीची मनात
भक्तीभावे भरे ऊर
करी चंद्रभागा स्नान
पाप झडून जातसे
आस दर्शनाची लागे
जीव आतुर होतसे
रुप साजिरे गोजिरे
हात ठेवी कटीवरी
भावभोळ्या भक्तांसाठी
युगे उभे विटेवरी
