चिंतन

समजून घेण्याइतपत खरंच, 

मी समजदार आहे का ?

हुशारी दाखवण्याइतपत खरंच, 

बऱ्यापैकी हुशार आहे का ? 

दुसऱ्यांना सहकार्य करण्यासाठी, 

माझा पुढाकार आहे का ?

दुसऱ्याची जिरवण्याकरता माझा, 

सपशेल नकार आहे का ?

नवीन विचारांचे सहकारी , 

त्यांचा स्विकार आहे का ?

नाकेबंदी , कुटील बुद्धीबळाचा, 

माझ्याकडून धिक्कार आहे का ?

माणसांचा माझ्याकडून नेहमी, 

सदैव गुणाकार होतो का ?

नैराश्य आणि पराभवाचा, 

भागाकार मी करतो का ?

सारे कळून बधिरासारखे, 

वर्तन माझे आहे का ?

रोज विचारा स्वत:शीच की, 

मी समजदार आहे का ?