चिमुकलेे पाऊल
चिमुकलेे पाऊल
चिमुकलेे पाऊल तिचे
माझ्या अंगणी पडले
सप्तसुर जणु हे
माझ्या मनी उमटले
घेऊन आली ती
एक अनोखी माया
आजवर जी कधीही
अनुभवली नव्हती
लेकीचे असते प्रेम वेगळे
भरलेले रांजण जणु हे
कधी न सुकते
कधी न थकते
अलगद कधी मांडीवर येऊन बसते
तर कधी पप्पा -पप्पाचा जप करत राहते
बाहेर जाताना पायाला येऊन चिकटते
तर कधी हात हलवून टाटा टाटा करते
घर पुरत नाही तिला मिरवायला
कष्ट वाटत नाही हौस तिची पुरवायला
वाटेल ते करण्याची उर्मी येते
हट्ट तिचा पुरा करायला
डोळ्यात तिच्या असते फक्त माया
बापाची असते ती छाया
सोडुनी कधी जाईल ती
विचाराने या धगधगती माझी काया
काळीज जाते हळूहळून
जीव जातो शहारून
आयुष्याची विटंबना ही
लेकीला जावे लागते सोडूनी बापाला.
धुंदीत राहावंसं वाटतं
तिला कुशीत घेऊन झोपावसं वाटतं
सारं काही ठेवून बाजूला
तिला आयुष्यभर जपावंसं वाटतं.