शब्दात कसे मांडू ...

आज फिरुनी तेच बहाणे 

श्वासातुनी तूझे उमगणे 

गुज अंतरीचे ते बोलवेना 

कसे मांडू शब्दात कळेना 

खुळी होती रितींनी पुरानी 

आस मनी उरुनी भावे ना 

भाव अंतरीचे जगा वेगळे

कसे मांडू शब्दात कळेना 

जपुनी ठेवल्या त्या भावना 

क्षणिक अस्ताच्या कथाना 

नयनी भाव तरळतो ना 

कसे मांडू शब्दात कळेना 

सहज होता तो सहवास 

सांजेस रात्र ती भुलेना 

क्षणचित्र मनी जे रुजलेना 

कसे मांडू शब्दात कळेना 

ना बोलताही कळावे तुला 

अंतरीचे भाव ते बोलवेना 

निशब्द वाटेचा आकांताना 

कसे सांगू शब्दात कळेना 

रोज सांज एकली दिसता

भाव तेच हृदयी जपताना 

भास आगळे मनी नसता

सल अंतरीची ही बोलतेना 

दिल्या घेतल्या वचनाची ती 

निशब्द आश्वासनं देताना 

भावलेली प्रिती खुळी तू 

श्वास नयनात झुरताना 

कधी काळी भेटली ती 

प्रिती मनी आठवताना 

नयनांस आसवे भावतीना 

कसे मांडू शब्दात कळेना 

ठेव जपुनी त्या भावना 

तुझ्या जागण्याचे मर्म ना 

सांग अबोल त्या खुणा 

कश्या रेखाटू शब्दात कळेना