अंधाराचं चित्र

अंधाराचं चित्र 

निव्वळ डोळ्याने दिसत नाही

ते मनाने रेखाटावे लागते..

बघ ना! 

ताऱ्यांना चमचमण्यासाठी

अंधाराला भेटावे लागते..!!

तसा दिवसा उजेडीही

कधी कधी

चंद्रमा नजरेस पडतो..

पण सौंदर्य खुलवण्यासाठी

तो सुद्धा 

अंधाराची वाट पाहत असतो..!!

रेखाटून बघ कधीतरी

तू सुद्धा

अंधाराचं मनमोहक चित्र..

गंधळणाऱ्या रातराणीला

श्वासात भरून घेताच

रोमांचित होईल तुझं मन 

अन् सुखावतील गात्र..!!