लाइब्रेरी
प्रोफाइल
चांदण्यांची वाट
चांदण्यांची वाट
1 min
164
चांदण्यांची वाट माझी
दैवदत्त लाभलेली
विहरते सुखेनैव
सुखभारे नाहलेली
खाचखळग्यांची रास
असो मधे पेरलेली
तमा त्यांची नसे मज
चांदण्यांनी भारलेली
सुखदुःखे आली गेली
मन नाही बिचकले
सम समान मानले
नाही त्यात अडकले
चांदण्यांच्या वाटेवरी
मम भेटीस चंद्रिका
सूर मिळाला सूरास
लाभे संगीत दिपिका
चांदण्यांची वाट माझी
तेज झळके अंबरी
मार्ग जरी अजाणता
ज्योत्स्ना फुलली अंतरी
