चालीरितींविरूद्ध विद्रोह
चालीरितींविरूद्ध विद्रोह
जाळून टाकावी बाईपणाची जात
बाईनेच हाणावी चालीरितींना लाथ
मोडून टाकावी जूनी व्यवस्था
निर्माण करावी स्त्रियांसाठी संस्था
कोण तू, आम्हांला बोलणारा ?
आमच्यावर ताशेरे ओढणारा ?
स्त्रीनेच का पाळाव्यात रिती ?
नको आता परंपरेची भीती
हरामखोर रिवाजांचा रोज बाजार
कोण आपले आणि कोण शेजार ?
तोडूनी, फोडूनी वाईट चालीरिती
निर्माण करायची नवी संस्कृती
नको ते फालतूचे उपवास
का भोगावा विधवेने वनवास ?
न्यायासाठी नाही करणार प्रतिक्षा
षंढ यंत्रणेलाच द्यावी शिक्षा
साले, रोजच सणांचे सोहळे
सर्वांना लागलेत भिकेचे डोहाळे
गलिच्छ, घाणेरड्या मोडूनी प्रथा
विद्रोह करूनी रचू नवी गाथा
कोण म्हणतो, वड पूजेला पावतो ?
विटाळातही आम्ही देवाला शिवतो
नाही येथे वाईट परंपरेची गटारगंगा
आडवा, तिडवा, कापूनी काढू माणूस नंगा