बरसल्या रेशीमधारा..

निळेभोर आभाळ 

आज दाटुनी आले 

मंद वारा सुटला अन् पावसाला उधाण आले  

बरसल्या सरसर रेशीमधारा  

हिरव्यागार पानांवर 

थेंब पावसाचे ओथंबले

 पंख पसरुनी पाखरे 

आनंदाने न्हाहले

मृदगंध पावसाचा दरवळला  

 रिमझिम सरींनी गाणे रचले 

 ढगाळलेल्या वातावरणात तार इंद्रधनूनी छेडले  

हिरवळ या झाडांची दाटली

 हर्षाने वसुंधरा हसली अन् सजली ही रानफुले  

 

 सुखद मंद वाऱ्यात 

काही क्षण शहारावे 

अशातच वीजेने आपले सूर नव्याने गायले 

निळेभोर आभाळ आज दाटुनी आले मंद वारा सुटला अन् पावसाला उधाण आले..