माझी कविता आज माझ्यावर रुसली...

किती विनवले तिजला किती समजूत घातली... 

अचानक काय झाले कळे ना ती का रागवली... 

पडलो तिच्या पाया तरीही न बधली... 

माझी कविता आज माझ्यावर रुसली... ||

माझ्या मना लागला एक तिचाच ध्यास... 

तिच्याविना जग सारे मज वाटते उदास... 

माझ्या मनीची व्यथा परि तिला न उमगली... 

माझी कविता आज माझ्यावर रुसली... ||

हे मन करते एक तिचाच विचार... 

तिच्याविना मजला रुचेना आहार... 

असाच दिवस सरला परि न स्फुरली... 

माझी कविता आज माझ्यावर रुसली... ||

खूप केला विचार तरी विषय सापडेना... 

केले बहु यत्न परि ती मौन काही सोडेना... 

अखेरीस मी तिच्यावरच कविता रचिली.. 

कारण माझी कविता आज माझ्यावर रुसली... ||